Kaspersky Security Center бағдарламасы тапсырманы KLT файлынан импорттауға мүмкіндік береді. KLT файлдында экспортталған тапсырма мен оның параметрлері бар.
Тапсырманы импорттау үшін:
Бағдарламаның негізгі терезесінде Құрылғылар → Тапсырмалар бөліміне өтіңіз.
Импорттау түймесін басыңыз.
Импорттағыңыз келетін тапсырма файлын таңдау үшін Шолу түймесін басыңыз.
Ашылған терезеде тапсырманың KLT файлына апаратын жолды көрсетіңіз және Ашу түймесін басыңыз. Назар аударыңыз, сіз тек бір тапсырма файлын ғана таңдай аласыз.
Тапсырманы өңдеу басталады.
Тапсырма сәтті аяқталғаннан кейін, тапсырманы тағайындағыңыз келетін құрылғыларды таңдаңыз. Бұл үшін, келесі параметрлердің бірін таңдаңыз:
Тапсырма бұрын жасалған басқару тобына кіретін құрылғыларға тағайындалады. Бар топтардың бірін көрсетуге немесе жаңа топ құруға болады.
Мысалы, хабар белгілі бір басқару тобындағы құрылғыларға арналған болса, пайдаланушыларға хабар жіберу тапсырмасын іске қосу үшін осы параметрді пайдалануға болады.
Сіз NetBIOS атауларын, DNS атауларын, IP мекенжайларын, сондай-ақ тапсырманы тағайындауды қажет ететін құрылғылардың IP мекенжайы ауқымдарын белгілей аласыз.
Бұл параметрді белгіленген ішкі желі үшін тапсырманы орындау үшін пайдалануға болады. Мысалы, сіз бухгалтерлердің құрылғыларына белгілі бір бағдарламаны орната аласыз немесе вирус жұқтыруы мүмкін ішкі желідегі құрылғыларды тексере аласыз.
Тапсырма құрылғы таңдауларына кіретін құрылғыларға тағайындалады. Қолданыстағы таңдаулардың бірін көрсетуге болады.
Мысалы, операциялық жүйенің белгілі бір нұсқасы бар құрылғыларда тапсырманы іске қосу үшін осы параметрді пайдалануға болады.
Тапсырманың әрекет ету ауқымын көрсетіңіз.
Импорттау тапсырмасын аяқтау үшін Аяқтау түймесін басыңыз.
Импорт нәтижелері бар хабарландыру пайда болады. Тапсырманы импорттау сәтті орындалса, сіз тапсырмасипаттарын қарап шығу үшін Мәліметтер сілтемесінен өте аласыз.
Импорт сәтті орындалғаннан кейін, тапсырма тапсырмалар тізімінде көрсетіледі. Тапсырма параметрлері мен кесте де импортталады. Тапсырма кестеге сәйкес іске қосылады.
Импортталған жаңа тапсырманың атауы бұрыннан бар тапсырманың атауымен бірдей болса, импортталған тапсырманың атауы түр (<реттік нөмір>), мысалы: (1), (2) жалғауы көмегімен кеңейтіледі.